أولادك ما يصلوا أو متعبينك ؟
تقول إحدى الأخوات :
بقول لكم قصة صارت لي أنا : كانت بنتي بخامس إبتدائي , والصلاة ثقيلة عليها ... لدرجة إني يوم قلت لها قومي صلي وراقبتها ... لقيتها حاست الدنيا ( شرشف ) الصلاة مرمي في مكان ما على الأرض ...الخ , وجاتني ... قلت لها : صليتي ؟؟؟
قالت : إيوه , صدقوني لا شعوري عطيتها كف , أدري إنه غلط ... بس الموقف ضايقني وبكيت وخاصمتها ولمتها وخوفتها من الله , وما نفع معها كل هالكلام ,
لكن في يوم من الأيام قالت لي وحدة قصة (منقولة) وهي : إنها زارت قريبة لها عادية ما هي ملتزمة دينياً كثير , لكن يوم جا وقت الصلاة قاموا عيالها يصلوا بدون ما تناديهم ولا تخاصمهم , اللي تحكي القصة تقول : ... قلت لها : كيف عيالك يصلوا من نفسهم بدون خصام وتذكير ؟؟؟
قالت : والله ما عندي شي أقوله لك إلا إني من قبل ما أتزوج وأنا أدعي الله بهذا الدعاء : ( رب اجعلني مقيم الصلوة ومن ذريتي ربنا وتقبل دعاء ) (40)...
أنا بعد هالسالفة صرت أقول هذا الدعاء في سجودي وقبل التسليم وفي الوتر وفي كل أوقات الإجابة ...
والله يا أخواني وأخواتي : إن بنتي هذي الآن بالثانوي , من أول ما بديت بالدعاء وهي التي تقومنا للصلاة وتذكرنا فيها , وأخوانها كلهم ولله الحمد حريصين على الصلاة , حتى الوالدة زارتني ونامت عندي ولفت إنتباهها إنه بنتي تصحى وتدور علينا تصحينا للصلاة ...!!
على فكرة : هذا الدعاء في سورة إبراهيم عليه السلام