ملف عن أكلات عيد الأضحى ( عيدكم مبارك سعيد)

بروشيط باللحم الغنمي وماركاز






المقادير:

لحم الغنمي
ماركازMerguez
2 مطيشات مقطعين مكعبات
4 بصلات بيضين مربعات
1 فلفلة خضراء مربعات
ملح ابزار
زعتر Thym
زيت

الطريقة:

نقطعوا اللحم مربعات
ونقطعوا مركاز
وندخلوا العناصر في الأسياخ الخشبية أو في القضبان واحنا كانخالفوهم.
ونحاولوا نديروا العريشات الزعتر اقراب من اللحم.
ونحطوهم فوق الفحم أو الشواية ولما يكونوا كيطيبوا نقطروا عليهم قطيرات الزيت
أو نرشوهم الى كنا دايرينها في الرشاشة من الأحسن.
لما يطيبوا نملحوا ونبزروا ونقدموهم.



وباش يشد القضيب مزيان نحاولوا نديروا البصلة في الجناب لأنها ما كتدبالش بزاف
ونحاولوا نثقبوا مركاز بالموس ثقيبات صغارباش العمارة ديالوا ما تطيحش.



مربع الغنمي




المقادير

مربع من الكوتطليط

الملح

الثوم

الابزار

الزعتر

الطريقة

نثكوا الثومة والزعتر وسط اللحم

نشرحوه شوية بالموس من الظهر

ونحطوه فوق طبق الفرن

نملحوا ونبزروا

وندخلوه لفرن على درجة حرارة 180

ونخلوه يطيب من 20 الى 25 دق حسب الحجم و الذوق

ونقطعوه عند التقديم على حسب الكوتليط

ونقدموه


فخد الغنمي محمر بالعسل



المقادير
1 فخد غنمي
Thym زعتر
المعدنوس
زيت زيتون
Miel عسل


الطريقة


نملحوا الحم نتكوا الزعتر والمعدنوس + خويط الزيت البلدية فوق منه



وندخلوه لفرن على درجة حرارة 200 ترموستا 6
ومن بعد ربع ساعة نجبدوه وندهنوه بالعسل 4 معالق ومع الحرارة راه دغيا غا تذوب
ونردوه يكمل الطياب ونقصوا لدرجة الحرارة الى 180 ترموستا 5 نخلوه ربع ساعة اخر
ونجبدوه ونعاودوا نفس العملية نذهنوه بالعسل ونقصوا العافية 160 ترموستا 4
ونخلوه يكمل الطياب.

نقدموه لما يوجد ويولي محمر