السلام عليكم ورحمة الله وبركاته اليوم جبت ليكم حلوة كنتمنى تعجبكم
الطريقة
العجينة ديال الكعبة تكون رقيقة بزاف اللي كتخرجها بالمكينة تديرها على النمرة واحد وتزيد تسرحها بالدلاك
نصف كيلو الفورص
4 او 5 معالق كبار الزبدة مادايباش
نصف كاس ماء زهر
شوية الملحة
ونجمعوها بالماء
ونسرحوها ونقطعوها
نضع كويرة ديال التمر انا كنستعمل الجاهز المطحون نضيفو ليه شوية الزهر وشوية الزنجلان المطحون
تم نجمعوها ونقطعو اللي كيشيط من العجينة وهدا هو الطابع اللي كنخدمو بيه
كنضغطو عليها من الفوق كتصبح على هدا الشكل
من بعد ماتجي من الفران ندهنوها بالناباج وديك الفيرة الي الوسط نديرو فيها الليوز مقلي ومهرمش وديروها فالكويغطات وبالصحة والراحة
نسيت مقلتش ليكم من بعد ما تجمعو العجينة على التمر قلبوها عاد ضغطو عليها
موضوع: جديد حلوة التمر 
الأربعاء ديسمبر 12, 2007 9:57 pm
